كيف فيني اعمل فيزا لم شمل العائلة( للزوجة ) الى تركيا؟

أولاً الجنسية مالا من الشروط و أنا ما عندي جنسية .
بس من المنطقي انو ياللي بدو يعمل دعوة لزوجته انو تكون دعوة لم شمل وليست دعوة فيزا سياحية
يعني دعوة الزوج لزوجته كلم شمل فيها اضطرارية و ضرورة للقبول أكثر من الفيزا السياحية .
مع العلم سألت مكتب و قلي انو لازم تكون سياحية و مع ذلك ما رديت عليه و حجزتا لم شمل و راسلت القنصلية عالايميل و قالولي انو فيزا لم الشمل قبولها أقوى .
المهم منبدأ بالأوراق المطلوبة :
الأوراق المطلوب لفيزا لم الشمل الزوجة/الزوج :
من سوريا للشخص المدعو :
- بيان عائلي يثبت صلة القرابة مترجم للتركي و مصدق من الخارجية
- لا حكم عليه مترجم و مصدق من الخارجية
- تأمين صحي للسفر بكلف شي ١٥ الف ليرة سورية( هالكلام من شي ٧ شهور ممكن تكون اختلفت الأسعار)
- حجز طيران وهمي(غير مدفوع) تاريخه من بعد تاريخ موعد المقابلة بالسفارة بشهر (ذهاب و إياب)
-  كشف حساب بنكي من سوريا للشخص المدعو (يساهم في تقوية الطلب)
حجز فندقي بلبنان مشان الدخول للبنان
و لازم يكون في ٢٠٠٠ دولار عالمعبر مشان الدخول(بس مشان يشوفوهن ما بياخدوهن)
.......
- وثائق إضافية بتقوي الطلب أكتر :
- شهادة جامعية للشخص المدعو مترجمة و مصدقة تُرفق بالطلب .
- اذا في ملكية باسم الشخص المدعو بسوريا نسخة مترجمة و مصدقة عن الطابو بتقوي الطلب
................
*** من تركيا للشخص الداعي :
- لازم يكون مسجل عند الدولة متزوج يعني الكمليك مكتوب عليه (evli)
- طلب دعوة من عند النوتر (تقريبا ٦٥ ليرة تركي)
- سند إقامة من عند المختار أو من E Devlet
- عقد آجار منوتر تقريبا بكلف ١٥٠ ليرة تركي
- صورة عن اذن العمل و الكمليك
- كشف حساب بنكي فيه حركة آخر ٣ شهور و اذا أمكن فتح حساب دولار بنفس البنك و إيداع مبلغ دولار (بس لحتى تطالع كشف فيه) و إرفاق كشف حساب التركي و الدولار بالطلب
هالشي بيقوي الطلب أكيد.
(بعدين ممكن سحب الدولار من الحساب ما بيأثر لو ما بقي بالحساب .
الكشف لازم يكون مصدق من البنك موقع لما بدكن تطلبو تصديقه قولولهن مشان القنصلية
(Konsulusluk )
- كشف رواتب من مكان العمل ( بالامكان طلبه من المحاسب في مكان العمل اسمه maaş bordrosu ) طبعا هاد في حال وجود اذن عمل و سيكورتا يمكن الحصول عليه.
.........
الأوراق الخاصة بالشخص الداعي(من تركيا) بيكفي تنسحب سكانر و تنطبع بسوريا و تتقدم للقنصلية ما في أي مشكلة لأنو ما بدهن الأصليات
بس أوراق المدعو (من سوريا) لازم تكون الأصلية
*** هي كل الأوراق المطلوبة
و بالنسبة لحجز الموعد بمكتب القنصلية بتم عن طريق النت ما بتحتاجو لأي مكتب
و حجز الطيران و الحجز الفندقي كمان ما في داعي تروحو للمكاتب و تدفعو تكاليف إضافية و وهمية.
** الكلفة عبارة عن كلفة استخراج الاوراق و الترجمة و التصديق بسوريا و رسوم الفيزا بلبنان حوالي 107 دولار من ٧ شهور
ممكن تكون زادت شوي .
.......
** كل الإجراءات اشتغلتها لوحدي بتركيا حتى الحجوزات كاملةً ما ساعدني أي حدا
و بسوريا كمان مافي داعي للمكاتب بيكفي الواحد يعرف شو المطلوب منه .
..
*** للتنويه :
أنا خطبت و أنا بتركيا و ثبتت زواجي عن طريق محامي بسوريا و تاريخ تثبيت زواجي بسوريا صار بعد تاريخ دخولي لتركيا و هالموضوع ما أثر شي المهم أنو كانت أوراقي نظامية هي أهم شي.
بس لما قدمت الطلب كان الكمليك عندي مكتوب عليه (أعزب)( لأني بتركيا مالي مسجل أني متزوج )
و مع ذلك بعد تقديم الطلب و المقابلة بأسبوعين اتصلت فينا القنصلية و طلبت تعديل الكمليك و إرساله عن طريق الايميل
اضطريت اجيب دفتر العائلة من سوريا و اعمل تحديث بيانات بتركيا و بعدين بعتت صورة الكمليك الجديد الي مكتوب عليه (متزوجEvli ) عن طريق الايميل
هالموضوع سبب تأخر الرد عالطلب حوالي 15 يوم .

تاريخ تقديم الطلب 25.11.2019
تاريخ القبول 05.02.2020

منقول من مجموعة دوبارة